.

Bachpan

Bachpan A Poetry by Anmol Rawat

This one was written by me in school days and was then copied by me in my blog. I am posting it here now because I saw the same thing copied on a couple of other websites without any credit. I can't challenge them as I have deleted that old blog. But here I am posting it to satisfy myself. 

Bachpan ki wo baat mujhe yad aati hai...

Wo der se so ke uthna,
Wo maa ka apne hathon se khana khilana;

Wo kagaz ki kashti ko pani me bahana,
Wo baarish me bheeg ke nahana;

Wo keechad me lot kar ganda ho jana,
Wo mitti khod kar chupke se khana;

Wo dadi ka pyar se kahani sunana,
Wo shaitani karke sabko satana;

Wo zara si bat par sabse rooth jana,
Wo tutlati zaban se kavita sunana;

Wo papa ki ungli pakad ke ghumne jana,
Wo apni muskan se sabka dil behlana;

Wo zara si chot par zor zor se chillana,
Wo dant padne par reh reh kar aansu bahana;

Wo daud kar dada ki peeth par chad jana,
Wo maa ke aanchal me sar rakhkar so jana...


Sochta tha kya yahi zindagi kehlati hai..??
Yahan to har subah sham aise hi kat jati hai..!!

Zindagi to badon ki hoti hai,
Jo har pal kuch naya karwati hai!!!


Aaj usi bat par hans deta hun..
Sochta hun mai kitna galat tha..

Ab to bas zindagi haseen kwhab dikhati hai,
Na chahte hue bhi na jane kya kya karwati hai;


Nahi jeeni mujhe aisi zindagi..

Jahan aisho-aaram , daulat sab hai,
Par chain ke do pal nahi;

Saare sapne poore karne ki taakat hai,
Par maa-baap se rubaroo hone ka waqt nahi;

Imarat khadi karne ki haisiyat hai,
Magar us imarat ko ghar banane ke jazbaat nahi...


Yahi sab batein mujhe fir kheench le jati hain,
Tabhi to is ghadi bachpan ki har baat mujhe aaj fir yaad aati hai..!!!


Previous
Next Post »

Shower the Love if you Liked the Post :) ConversionConversion EmoticonEmoticon